Xiaomi EV Xiaomi YU7 krossoverini təqdim edib

Xiaomi EV 22.05.2025 tarixində ilk yolsuzluq avtomobilini YU7-ni Çində rəsmi olaraq təqdim edib. YU7  Xiaomi SU7 ilə eyni dizayn dilini davam etdirməsinə baxmayaraq daha rahat, yüksək performanslı və ən yeni ağıllı texnologiyaları özündə birləşdirməklə öz sinifində fərqlənməyi başarıb.

Xiaomi YU7 ölçüləri 4999 mm(L) ×1996 mm (w) × 1600 mm (H) və 3000 mm təkər bazası olan böyük SUV- dur. YU7 bu ölçülərlə, Tesla Model Y-ni tamailə üstələyir.

YU7-nin əsas üstünlüklərindən biri isə onun yürüş məsafəsidir. YU7 Max versiyası 101.7 kilovat-saat batareya ilə təchiz olunub və 760 km məsafə təqdim edir . Xatırladaq ki, Tesla Model Y-nin tam ötürücülü versiyası 719 km məsafə təqdim edir. Xiaomi YU7 800 voltlu platforma üzərində qurulub. Batareyanın 10%-dən 80%-ə qədər doldurulması 10 dəqiqə çəkir.